Kinezët nga provinca veriperëndimore e Guijo-s ngritën një shëtitore të madhe lundruese në lumin Hongshui, për të tërhequr sa më shumë turistë, vendas dhe të huaj.
Hapësira e zënë nga shëtitorja lundruese është 50 kilometra e gjatë dhe mbulon një sipërfaqe prej 54,000 mijë metrash katrorë. E gjithë hapësira e shëtitores është zbukuruar me pemë dhe mijëra llamba shumëngjyrëshe në mënyrë që vizitorët të mund të priten me një shfaqje dritash gjatë mbrëmjes. Gjithçka duket joreale dhe është një atraksion i vërtetë turistik.
“Ne kemi bërë fotografi që kur mbërritëm. Ne gjithashtu regjistruam një video për miqtë tanë - shumë duan të vijnë dhe të shohin këtë vend, "tha Wang Panpan, një nga turistët që mbërriti nga Pekini.
Kjo shëtitore lundruese është në fakt një platformë lundruese e pajisur me ambiente argëtimi dhe ka edhe argëtues që bëjnë gjithçka që vizita të jetë e paharrueshme për të ftuarit.
Kjo pjesë e Kinës promovon edhe turizmin dimëror, sepse temperatura mesatare e ajrit është më e lartë se në pjesët e tjera të provincës.
Qindra mijëra turistë kanë ecur tashmë në shëtitoren lundruese si një atraksion i ri kinez.
