Melania Trump, Zonja e Parë e SHBA-së, është përgjegjëse për rritjen e numrit të turistëve në Slloveni. Pritet që të jenë gjithnjë e më shumë gjatë presidencës së bashkëshortit të saj.
Edhe pse zonja Trump rrallë e viziton vendlindjen e saj, të cilën e la si adoleshente, vendlindja e saj Sevnica tashmë ka shënuar rritje të numrit të vizitorëve. Disa nga vendasit po përfitojnë me sukses nga fama e saj e sapofituar.
Një furrë buke lokale bën dhe shet biskota të bardha me arra të quajtura “Melania”, ndërsa një restorant e ka quajtur pjatën e troftës me emrin e kësaj ish-modele Melania Trump.
Thuhet se së shpejti do të ofrohen turne që do t'i çojnë vizitorët nëpër rrugët e Melania Trump - nga Sevnica përmes Lubjanës në Milano.
